" Naat-E-Rasool "

Assalam Alaikum Wa Rahmath Ullahi Wa Barkatahu

Rahmath Baras Rahi Hai Mohammed Ke Shaher Me

Har Sha’ai Me Taazgi Hai Mohammed Ke Shaher Me

Har Ek Bharr Raha Hai Yahan Daman-E-Muraad

Maqlooq Aarahi Hai Mohammed Ke Shaher Me

Aate Hain Bakshwane Gunhaoun Ko Gunahgaar

Qismat Badal Rahi Hai Mohammed Ke Shaher Me

Doulat Sukoon  Ki  Har Jagah Hum Dhoondte Rahe

Aaqir Ye Mil Gayi Hai Mohammed Ke Shaher Me

Har Simt Se Aarahi Hai Sadaein Darood ki

Ek Dhoom Si Machi Hai Mohammed Ke Shaher Me

Aaisa Laga Ke Saamne Khud Aagaye HUZOOOR

Ek Naat Jab Padhi Hai Mohammed Ke Shaher Me

Roshan Hai Jiske Noor Se Dono jahan

Aisi Shama Jali Hai Mohammed Ke Shaher Me

Rahmath Baras Rahi hai Mohammed Ke Shaher Me

Har Sha’ai Me Taazgi Hai Mohammed Ke Shaher Me

Aapki Dua Ki Talib

Farah Naeem Khan